2020 جىلدان باستاپ شوب قارجىلىق قولداۋ كورسەتۋ كولەمىن 30 ملرد تەڭگەگە دەيىن ارتتىرۋ جوسپارلانۋدا، دەپ جازادى قالالىق اكىمدىكتىڭ باسپا ءسوز قىزمەتى. بۇل تۋرالى Kazakhstan Growth Forum 2019 جيىنىندا قالا اكىمى ايتتى.
الماتى اكىمىنىڭ ءسوزى بويىنشا، ءقازىر قالانىڭ بارلىق كاسىپكەرلەرى ءۇشىن ۇلكەن ماركەتينگتىك جوسپار ازىرلەنۋدە. ەلەكتروندى بازانىڭ كومەگىمەن كەز كەلگەن بيزنەسمەن ءوزى ءۇشىن قانداي پايدالى شارانىڭ بار ەكەنىن بىلە الادى.
ارنايى ەكونوميكالىق ايماقتاعى «يننوۆاسيالىق تەحنولوگيالار پاركىن» باسقارۋدىڭ اعىمداعى جاعدايىن باعالاعان سوڭ ءىس-قيمىلدىڭ بەلسەندى جوسپارى ازىرلەنەدى.
«الماتى ءۇشىن الدا تۇرعان مەجە – بۇل ءبارىمىز ءۇشىن ءبىر مەزەتتەگى جاڭا مۇمكىندىكتەر. قالانى، بيزنەستى جانە الەۋمەتتىك جۇمىستى باسقارۋدا بىرەگەي شەشىمدەر قاجەت»، – دەدى ب. ساعىنتايەۆ.
پىكىر قالدىرۋ